HOMMELT L'THEATREUX
J'me doutos bin
Que chés théâtreux avotent
D' l'esprit
Souvint caustique s'ins doute
Surtout quant y s'agit d'doupes
Des esprits s'in doute vif
Ou'mort
Y da incor
Tout y' arriffe
In creusant bin
S'ins toudis cachis bin loin
Chou l'ancien Prato
Derrire un rideau
Ou bin d'in l' noir
Du fond d'un placard
Y'en a s'in boulot qui traîne
D'un'l' mitan du plateau
Sti du directeu predecesseu
Y'en reste pluque que chés os
Qui dot ete mort
Vu s' qu'in esquellette
Y' es pos un état d' faire
Un cadaffre bien portant
Y l'ont pourtint sortit s'matin
Car faute d' moyens
Li qui disot que pou faire
Du théâtre fo pos ete femmelette
Y l'ont sorti pou faire hammelette
Pos du coin aveuc in nom pareil
Ils l'ont laichi
D'un s'in plus simple appareil
Chorti d'outre tombe
Pou faire croire que
L'salle est comble
L'directeu m'la presinti
Li a parlé des traviaux
L'aute a ris
De fac to
In les arrewettant babeler
Ainsi l ' anchien et l' nouviau
Eunne pinssée me vint
Vu s'que chés deux la y's connotent ben
L'un a formé l'aute
L'premiis
Y'es mort d'un l'fleur de l'ache
L'aute a ben du interrer s'in copain
A l'motte de s'in coin
Tout nu aveuc chu s'tiete
Un casque d' romain
La in vot fin bin
Que cha fé vraimint lontimp
S'ch' comprind achteur
Pourquo qu'te ralos
Qui t'avotent promis chés
Travaux au Prato
J' vos que te fé eunne drôle de bine
J' dévot pos préciser que l'casque
Y' es d origine
Y'as pos d'mal
J'in connote déjà grammint
Qui t'prenne pou un original
Comme m'mamére m'dit souvint
Te sais pos te taire
Te meritros que j'te tue
Pou t apprintte a vif
Si ça Devos arrivé
J'te promet d' faire du bon boulot
Aveuc t'n' ami
J'fonderais l'compagnie
De Laurel et Hardy
D'in l'tradition du Prato
Te nous auras chu l'dos
Rdessauvages 17-01-2005
La poésie sur Poèmes-AZ.com